Relacion de lòcs de trabalh (RLT)

En compliment de çò que dispòse er article 9 dera Lei 19/2014, deth 29 de deseme, se da difusion ara relacion de lòcs de trabalh deth personau foncionari, laborau e eventuau deth Burèu Antifrauda de Catalonha.
Era RLT s’ei configurada coma er estrument tecnic preceptiu entara gestion des recorsi umans que se hè per mejan dera organizacion deth personau dera Institucion; era RLT recuelh de forma ordenada e sistematica toti es lòcs de trabalh que formen era estructura organica dera Institucion, que pòden èster atengudi peth personau, d’acòrd damb es servicis balhadi e es competéncies atribuïdes.
Eth director o era directora deth Burèu Antifrauda a d’aprovar era relacion de lòcs de trabalh, a on cau que cònsten toti es lòcs, tant es que corresponen a foncionaris coma es que corresponen a personau eventuau e laborau. Aguesta relacion la cau publicar en Diari Oficial de la Generalitat de Catalunya (article 26.2 dera Lei 14/2008, deth 5 de noveme)