(*) Orari oficiau dera Sedença:

Oficina Antifrau
de Catalunya
 

Seu electrònica

Consorci de la Administració Oberta de CatalunyaEn aguest projecte eth Burèu a era collaboracion deth Consòrci Administracion Dubèrta de Catalonha (AOC) que da suport as tramitacions e gestions electròniques, a partir der e-TRAM, modul de gestion de sollicituds e tramitacions per Internet integrat ena plataforma deth Consoci AOC.

Foncions dera Institucion

Eth Burèu Antifrauda de Catalonha ei ua entitat de dret public damb personalitat juridica pròpria e plea capacitat d'obrar, que s'adscriu ath Parlament de Catalonha, qu'actue en exercici des sues foncions damb independéncia des administracions publiques. Eth contraròtle dera sua activitat correspon ath Parlament de Catalonha, çò que la legitime e ne garantís era independéncia.

Era Institucion siguec creada per mejan dera Lei 14/2008, deth 5 de noveme, e comencèc era sua activitat eth darrèr trimèstre der an 2009. Ei dauancèra a dar compliment as mandats dera Convencion des Nacions Unides contra era corrupcion, enes sòns articles 5, 6 e 36.

Eth Burèu trabalhe, despús era mès estricta neutralitat politica, entà enfortir era integritat deth sector public de Catalonha, per mejan dera prevencion dera corrupcion e era recèrca de conductes corruptes; en definitiva, velhe entà qu'era accion des podèrs publics e des sòns representants sigue coerenta damb es valors d'integritat, aunestetat, probitat, transparéncia, legalitat, neutralitat, imparcialitat e objectivitat, e desvolòpe eth sòn prètzhèt ath torn de dus èishi:

1. Previer era corrupcion: eth Burèu posse er establiment, era implementacion e, en sòn cas, era modificacion des corresponents encastres normatius; e, en tot cas, promò valors sociaus que dificulten tant era aparicion coma era tolerància des comportaments contraris ara integritat, ja sigue en sector public, ja sigue en privat.

2. Recercar es casi de corrupcion, entà pr’amor de sométer ara coneishença des autoritats administratives competentes, deth Ministèri Fiscau e dera autoritat judiciau -segontes correspone- es hèts o conductes que se n'age nauèra e que meriten sancion administrativa o ben condemna penau.

Es administracions publiques son obligades d’auxiliar de manèra preferenta e urgenta ath Burèu Antifrauda de Catalonha enes recèrques e inspeccions qu'amie. Aguest déuer de collaboracion s'esten tanben as particulars, persones fisiques o juridiques, administracions publiques e entitats includides en encastre d'accion deth Burèu Antifraudaria.

Eth Burèu cooperarà damb era rèsta d’organs de contraròtle dera accion dera administracion, per mejan der escambi d'informacion e experiéncies e era coordinacion des sues foncions.


Transparéncia