Era sedença electronica deth Burèu Antifrauda de Catalonha ei era adreça electronica disponibla entara ciutadania per mejan des hilats de comunicacion; era sua titularitat correspon ath Burèu, e a de perméter accedir ara informacion, as servicis as tramitacions electroniques deth Burèu. Era gestion e era administracion dera sedença electronica correspon ath Burèu, qu’ei responsable, en airau des sues competéncies, dera integritat, era veracitat e era actualizacion dera informacion, des tramitacions e des servicis que se tròben ena sedença electronica.

Era adreça dera sedença electronica ei: https://seuelectronica.antifrau.cat

Era sedença electronica deth Burèu Antifrauda de Catalonha siguec creada pera Resolucion deth 1r de junh de 2017, en usatges des foncions qu’atribuís ara Direccion deth Burèu er article 6 a) e d) des Normes d’Actuacion e de Regim Interior deth Burèu Antifrauda de Catalonha, aprovades pera Comission d’Ahèrs Institucionaus eth dia 25 de noveme de 2009, e tanben, per çò que tanh ath registre electronic integrat en registre generau, cossent damb era disposicion addicionau quatau des Normes dites. Aguesta iniciativa se produsís tanben en compliment des Directritz de Trabalh presentades peth director deth Burèu dauant deth Parlament de Catalonha eth 14 de deseme de 2016. 

Resolucion OAC/DIR/337/2017, de 6 de junh, dera sedença electronica deth Burèu Antifrauda de Catalonha