(*) Orari oficiau dera Sedença:
Oficina Antifrau
de Catalunya
Seu electrònica
Dossièr ciutadan
Es mies tramitacions e dades personaus. Qué ei?
En aguest projecte eth Burèu a era collaboracion deth Consòrci Administracion Dubèrta de Catalonha (AOC) que da suport as tramitacions e gestions electròniques, a partir der e-TRAM, modul de gestion de sollicituds e tramitacions per Internet integrat ena plataforma deth Consoci AOC.
Director
Miguel Ángel Gimeno Jubero
Neishut en Binèfar eth 4 d’octobre de 1950, ei licenciat en Dret pera Universitat de Barcelona (UB) eth 1975, damb un Postgrau en Dret Civil Catalan dera Universitat Dubèrta de Catalonha (UOC) eth 2001.
Era sua trajectòria professionau l’a amiat integrauments en Catalonha. Exercic era avocacia de 1976 a 1980. Entrèc ena carrèra judiciau per acòrd deth Conselh Generau deth Podèr Judiciau (CGPJ) en deseme de 1982 e siguec nomentat jutge d’ingrès en hereuèr de 1983. Ascendic a magistrat eth 1987.
A exercit de jutge en El Prat de Llobregat (1983-84), en Badalona (1984-85), damb foncions de degan, e en L’Hospitalet de Llobregat (1985-87). De magistrat exercic en Jutjat de Prumèra Instància e Instruccion num. 3 de L’Hospitalet de Llobregat (1987-89), en Jutjat d’Instruccion num. 22 de Barcelona (1989-91), en Jutjat Penau num. 4 de Barcelona (1991-93), ena seccion 10au dera Audiéncia Provinciau de Barcelona (1993-2000) e coma president dera Seccion 6au dera Audiéncia Provinciau de Barcelona (2000-2010).
Siguec president deth Tribunau Superior de Justícia de Catalonha (TSJC) de 2010 a 2015, dempús exercic de magistrat dera Sala Civiu e Penau deth TSJC enquiath nomentament coma director deth Burèu Antifrauda de Catalonha (BAC). De 2004 a 2007 siguec membre deth Conselh Rector dera Escòla Judiciau e eth 2006 siguec nomentat membre dera Comission pedagogica de formacion iniciau dera Escòla Judiciau.
De un aute costat, a compatibilizat era carrèra judiciau damb era docéncia en lòcs coma era Escòla de Policia de Catalonha (1991), ena Universitat Autonòma (1992-94), coma professor associat de dret penau, ena UB (2000-08) e en Illustre Collègi d’Avocats de Barcelona (2005-09), coma professor de diuèrses mestries en encastre deth Dret Penau.
Tanben a estat ponent en fòrça jornades, conferéncies e corsi entà collègis professionaus, centres de formacion especializada e organizacions d’encastres diuèrsi (avocats, fiscaus, economistes, tecnics d’isenda,...). Tanben ei autor de diuèrses publicacions restacades damb es sòns encastres d’especializacion.
Contacte
Telefòn: 93 554 55 55
Organigrama
En aguesta seccion disposatz d’un organigrama actualizat que permet visualizar era organizacion intèrna dera Institucion, amassa damb era identificacion des responsables des diuèrses unitats, es foncions atribuïdes e era descripcion deth sòn profil e trajectòria professionau; se da compliment, donques, as exigéncies derivades der article 9 dera Lei 19/2014, deth 29 de deseme, de transparéncia, accès ara informacion publica e bon govèrn.